物超所值的鮮花球 + 頭花 from sis. honey

老實說，超大頭蝦的我根本完全忘了鮮花球的事

當然絲花球也無不可，但感覺上總係覺得鮮花會grand同靚d

後來係wow度睇左好幾個介紹花球ge blog

之後鎖定目標及價錢

搵左幾間好多wow友介紹的花店

最後選左我呢間

花球一個 + 頭花 + 新郎襟花x2 的套餐

因為我轉左要馬蹄蘭，一set價錢係$11xx

因為自己對花唔算太熟，所以基本上我俾佢地的要求只有

「清雅」

「要馬蹄蘭做主花」

「白色 + 紫色」

其他就交俾佢地自由發揮

不過後來先知原來自己好好彩

因為佢地生意真係太好，連今年9月的期都已經full哂

反而我4月中先book 5月尾的花球就有期

第一次好感激唔係旺季結婚 (下次再補多篇又係last moment先搵deco公司....)

另一樣好想讚的是

佢地一早講好係跟花球配頭花，所以我都無特別request

一早有plan B就係如果d花唔ok就會用make up姐姐ge頭花

但到big day的時候make up 姐姐話我知

原來佢地配俾我ge都係一d特別而且唔平的花

最重要係佢地好細心用花泥插好哂 (呢d都係成本呢ga....)

所以d花可以hold到晚上用返哂係造型上

呢點真係好好

最後我就將所有造型都改哂用鮮花~

花球

[AT studio pre-wedding 第二回] 天公造美的京都pre-wedding

之前都有講過，本來我們已經join左日本櫻花pre-wedding，但因為家中長輩希望改早婚期 (5月)，知道呢輯pre-wedding應該趕唔切起貨，於是搵同一間studio再影左一輯local。

經過上次local pre-wedding一役，對攝影師有信心之餘都學識左點樣影先唔會突出左自己的缺點。比如話，我的手臂唔幼，所以無論咩pose都好，要記得唔好夾緊手臂，相反應該向外撐開少少先岩!! 之後下面post 的相就係一刀未剪，自己睇返都覺得自己進步左!!

另外好好彩，因為係京都的時候，前後兩天都係超大雨，唯獨只有我們影的日子係天陰再加有黃昏，雖然好多野都可以後期tune，但始終有d effect比如話黃昏的感覺，就真係可遇不可求了!

再講返呢間攝影公司，老實平佢真係唔係最平，但好處係明碼實價，package $27000 包3套女裝 + 2套男裝，當時婚展仲可以俾我們自帶便服一套，其實好夠影。執相就包 50 張，我係一個超理性師奶，上一次local pre-wedding，幾鍾意都好說服自己唔可以加相，但今次就係老公力勸 (!?) 之下加左10張。

另外我最欣賞係呢間公司make up 同攝影助手係 分開2個人，而且會全程跟住我們，唔係只係坐係車上面發夢。聽過好多朋友都講，其實有幾多公司make up會做埋assistant，但大家都明，跑來跑去幫你飛頭紗咁攰，仲邊可以專心幫你搞個妝呢？

唔講太多，去相!!!!!

一試就落訂的big day make up!

大日子當日，作為一個女仔最重視自己身上兩樣野

一係d衫，二係個妝

特別係個妝，因為皮膚狀況好難預料，個妝靚起碼可以幫一幫手

當然keep得好d，就更加錦上添花啦!

另一個要考慮的因素就當然係budget，始終結婚有好多錢要洗

所以我的目標一開始就訂左要「性價比高」

事前已經刨定哂wow友d blog又上fb睇左好多相

最後選左而家呢個MUA - kathy wong

首先佢都係化開d清雅系的妝，另外就係呢個價可以包埋高清噴槍真係好抵玩!

試妝當日好不幸皮膚真係極差 (係大粒瘡瘡o個種差....)

個粉相對就落得厚d先可以叫遮到

而MUA好易溝通，我只係好簡單講左我2個要求出來

「我面比較圓，所以希望髮型上可以幫下手」

「我想成個感覺係清清地」

就已經為我設計出2個簡單但不落俗套的造型

期待係大日子當日配埋靚衫，個效果可以更加好!

           

[淘寶] 婚禮佈置 & 婚紗相小道具

之前係wow blog見到有b2b share一間淘寶店

可以整自己名同結婚日期等等ge pops

因為諗住自己會影pre-wedding可以用到，之後婚禮當日又可以當係reception ge deco

就決定自己都整返2個

問過sis店名之後，自己都係淘寶睇左好多comment同相

見大部份都係正評，其中唔少都係香港買家留

睇過覺得ok之後都有再問返網店的客服

問清楚哂價錢同樣式之後就落單

不得不讚係呢間店的回覆速度真係好快

我俾左錢之後即時send哂我要求樣式俾佢

當晚已經收到草稿，完全唔需要再返手改

之後confirm左樣式到收到 (因為我用集運，就計大陸收到的時間)，只係需要一星期左右

因為我事前有提過我仲要集運

特別請店家幫我再包得好d

結果來到完全無失望，白色pops上面一d花都無

所以雖然呢間野唔算特別平 

埋單我呢2件大概要500幾蚊 (唔連集運)

但都會推薦有興趣ge b2b去

順便俾埋之前另一個b2b ge post
http://wow.esdlife.com/space.php?uid=22192&do=blog&id=201379&cid=1523730

[實戰] 日本製 BCL面部毛孔清潔掃，窮人版Clarisonic聲波淨膚儀

呢個其實已經入左手一段時間，只不過係人懶所以一直都無打用後感。之前好多朋友都入手了Clarisonic聲波淨膚儀，其實自己都超級心動，不過總係睇死自己只有三分鐘熱度，最後決定還是忍忍手為銀包積點福好了。

BCL面部毛孔清潔掃這一款掃，由圖片上看不到，其實山羊毛質非常的軟，配合洗面泡用完全不會有刺痛感，個人感覺是用來清潔鼻翼兩側非常有用。

但毛毛刷用完後記得要放在通爽的地方吹乾，否則會孳生細菌，最後得到反效果喔。

價錢: $98
評分: ★★★★★★☆☆☆ (10分滿分)

[今期流行] 花王 蒸氣溫熱眼膜

其實這個蒸氣溫熱眼膜已經不是甚麼新品，不過我真的是超級迷上了，所以覺得實在是不得不寫。

作為一個OL，每天幾乎已經是一睜開眼睛就開始對著電腦工作，放工有時又不自覺得的上facebook，玩whatsapp，直到要睡覺才讓眼睛可以休息一會。

有時自己也覺得這樣對眼睛是一種虐待，既然我沒辦法可以脫離OL行列，就唯有在其他方法，對我的眼睛作出一點點的補償好了。

蒸氣溫熱眼膜的用法和平常在用的暖包基本上是一樣的，就是一打開接觸了空氣，眼膜就會漸漸發熱，熱力大概可以維持個十五分鐘左右。基本我的用法都是在準備睡之前，先用eye cream按摩好眼睛，最後直接用上眼膜就去睡了。

除了熱力外，眼膜還有多種不同的香味，戴上眼睛後，就會隨著熱力慢慢的散發出來，幫助入睡。我個人來說，最喜歡薰衣草味 (圖) 和橘子味，不知道是不是錯覺，但總覺得用後那晚的睡眠質素會比較好一點。

偶爾對自己好一點，也是維持對生活的動力的一種好方法。


價錢: $36.9 / 5片 (連鎖店特價)
評分: ★★★★★★☆☆☆ (10分滿分)

[用後感] 寫得太遲的 Hitachi Hada Crie Cool CM-N1000

其實之前我已經買了只有導出功能的NC-5500，不過人的慾望是無止境的 (特別是女人)，見到有新野出，當然絕對不會放過 XD

我也知道CM-N1000已經出了新的型號，不過功能上其實也是大同小異。

N-1000 的賣點是有在導出加導入之後，還有最後一步的冷凍功能。不過亦由於冷凍功能太食電的關係，N-1000只可以用濕電運作而不能叉完電通屋走，這點亦是個人覺得最美中不足的一點。

基本步驟不多說，直接放出導出後的圖就好了。我試過落妝後用，也試過不化妝的時候用，而下圖就是不化妝的導出圖。雖然沒有化妝品殘留的啡黃色，但卻有在街上行了一整天所留下灰灰的麈。

個人建議是導出時可以再repeat step 1 用係頸上面，大概是平日洗面沒太注意的關係，感覺上頸好似比面來得更髒。

Keep住用一段時間 (一星期大概兩至三次左右)，兩頰的暗粒也比較少了點。不過隨著新鮮感過去，漸漸少用之後超困擾我的暗粒又再回來，而之後我亦發現了一件洗面時用的好物。

留待下回再說。

價錢: $1200 ( 日本帶回來 )
評分: ★★★★★★☆☆☆ (10分滿分)